Politika e Privatësisë

Përditësimi i fundit: 18 gusht 2026
Versioni: 1.3

Kjo Politikë e Privatësisë shpjegon se si MyHealthy mbledh, përdor, ruan dhe mbron të dhënat personale kur viziton faqen www.myhealthy.al, krijon një llogari, kryen një porosi, përdor programin online ose komunikon me ne.

Përpunimi kryhet në përputhje me ligjin nr. 124/2024 “Për mbrojtjen e të dhënave personale” dhe, kur është i zbatueshëm, me Rregulloren (BE) 2016/679 (GDPR).

1. Kush është kontrolluesi i të dhënave

Kontrolluesi i të dhënave personale është:

Lucio Serreqi, person fizik tregtar
NIPT: M26425001K
Adresa: Lagjja “Vojo Kushi”, Rruga e Dibranëve, Zona Kadastrale 8592, nr. i pasurisë 1/1522, Shkodër 4001, Shqipëri
E-mail: info@myhealthy.al
Faqja: www.myhealthy.al

Për çdo pyetje, kërkesë ose ankesë lidhur me privatësinë, mund të na shkruash në adresën e mësipërme të e-mailit.

2. Kujt i zbatohet kjo politikë

Kjo politikë zbatohet për vizitoret e faqes, personat që krijojnë llogari, klientet që blejnë ose përdorin programet MyHealthy dhe personat që na kontaktojnë. Programi Pilates Prenatal ofrohet përmes një llogarie personale në faqen ose aplikacionin MyHealthy.

3. Të dhënat që mbledhim

3.1 Të dhënat e llogarisë dhe të kontaktit

emri dhe mbiemri;
adresa e e-mailit;
numri i telefonit;
shteti dhe, kur kërkohet, qyteti ose adresa e faturimit;
emri i përdoruesit, fjalëkalimi i ruajtur në formë të koduar dhe të dhënat e nevojshme për hyrjen dhe rikuperimin e llogarisë.

3.2 Të dhënat e porosisë dhe pagesës

produkti ose programi i blerë, numri dhe data e porosisë;
çmimi, monedha, mënyra dhe statusi i pagesës;
të dhënat e nevojshme të faturimit;
referenca e transfertës dhe informacioni që na përcillet nga banka për konfirmimin e pagesës;
versioni i kushteve të pranuara, data, ora, porosia përkatëse dhe adresa IP që shoqëron pranimin.

Pagesat me transfertë bankare përpunohen përmes Raiffeisen Bank sh.a., Shqipëri. Pagesat online përpunohen përmes POK, shërbim i RPAY sh.p.k., Shqipëri. Kur përdor pagesën online, POK/RPAY përpunon të dhënat e nevojshme të pagesës sipas politikës së vet të privatësisë dhe kushteve të shërbimit.

MyHealthy merr vetëm informacionin e nevojshëm për të identifikuar pagesën, si statusi, shuma, referenca e transaksionit dhe të dhënat e porosisë. MyHealthy nuk ruan kredencialet e bankës, numrin e plotë të kartës, kodin CVV/CVC ose të dhëna të tjera të plota të instrumentit të pagesës.

3.3 Të dhënat për përdorimin e programit

programet dhe materialet ku ke akses;
mësimet ose videot e hapura dhe përfundimi i tyre;
java ose tremujori i programit;
shënimet, ritmi, përsëritjet, vlerësimi se si je ndier dhe të dhëna të tjera që zgjedh të vendosësh në ditarin personal;
komunikimet dhe kërkesat për ndihmë që na dërgon.

3.4 Të dhënat e shtatzënisë dhe të shëndetit

Për të përshtatur programin mund të përpunojmë të dhëna që konsiderohen kategori të veçanta, si:

data e parashikuar e lindjes;
java ose tremujori i shtatzënisë, i llogaritur nga kjo datë;
konfirmimi se ke biseduar me gjinekologun dhe ke marrë miratimin e tij për programin;
deklarimet për kundërindikacionet ose kufizimet që zgjedh të japësh;
shënime të lira në ditar që mund të përmbajnë informacion mbi gjendjen tënde fizike ose shëndetësore.

Këto të dhëna përpunohen vetëm me pëlqimin tënd të shprehur. Pëlqimi për të dhënat e shëndetit kërkohet veçmas nga pranimi i Kushteve të Përgjithshme dhe nga pëlqimi për marketing.

Mund ta tërheqësh pëlqimin në çdo kohë duke shkruar në info@myhealthy.al. Tërheqja nuk prek ligjshmërinë e përpunimit të kryer më parë. Nëse këto të dhëna janë të domosdoshme për përshtatjen e programit, tërheqja e pëlqimit mund të bëjë të pamundur vazhdimin e këtij personalizimi.

3.5 Të dhënat teknike dhe të sigurisë

adresa IP, data dhe ora e lidhjes;
lloji i pajisjes, sistemi operativ, shfletuesi dhe gjuha;
faqet e vizituara, burimi i vizitës dhe veprimet teknike në faqe;
regjistrat e hyrjeve, tentativave të dështuara, gabimeve dhe masave kundër abuzimit;
identifikuesit e sesionit dhe cookies;
parametrat e fushatave, si UTM dhe fbclid, kur mbërrin nga një reklamë;
tokeni i njoftimeve të aplikacionit një identifikues i pajisjes dhe jo i personit që përdoret vetëm për të dërguar njoftimet në telefonin tënd; ruhet vetëm nëse i aktivizon njoftimet, hiqet nga serveri kur i çaktivizon ose kur del nga llogaria, dhe fshihet bashkë me të dhënat e tjera kur fshin llogarinë.

4. Pse i përdorim të dhënat dhe mbi çfarë baze

Qëllimi	Baza e përpunimit
Krijimi dhe administrimi i llogarisë, përpunimi i porosisë, pagesës dhe dhënia e aksesit në program	Lidhja dhe zbatimi i kontratës
Dërgimi i konfirmimeve të porosisë, linkut të aksesit, rikuperimit të fjalëkalimit dhe njoftimeve të domosdoshme për shërbimin	Zbatimi i kontratës
Përshtatja e përmbajtjes sipas javës së shtatzënisë dhe përdorimi i ditarit personal	Pëlqimi i shprehur për të dhënat e shëndetit
Faturimi, kontabiliteti, detyrimet tatimore dhe përgjigjja ndaj kërkesave të autoriteteve	Detyrim ligjor
Siguria e llogarive, parandalimi i mashtrimit, tentativave të paautorizuara dhe porosive abuzive	Interesi ynë i ligjshëm për sigurinë e shërbimit dhe, kur zbatohet, detyrimi ligjor
Matja e përdorimit të faqes, heatmaps dhe përmirësimi i përvojës	Pëlqimi për cookies statistikore
Reklamat, matja e fushatave dhe remarketing-u	Pëlqimi për cookies reklamuese
Dërgimi i ofertave, lajmeve ose materialeve promocionale	Pëlqimi për komunikime marketingu

E-mailet e nevojshme për porosinë, sigurinë dhe përdorimin e programit nuk janë komunikime marketingu dhe mund të dërgohen për zbatimin e kontratës. Për komunikimet promocionale mund ta tërheqësh pëlqimin në çdo kohë përmes linkut “çregjistrohu” ose duke na shkruar.

5. Cookies dhe teknologjitë e ngjashme

Faqja përdor cookies të domosdoshme për shportën, pagesën, hyrjen në llogari, sesionin, sigurinë dhe ruajtjen e zgjedhjeve të përdorueses. Këto cookies janë të nevojshme që faqja të funksionojë dhe nuk përdoren për reklama.

Vetëm pasi jep pëlqimin përkatës mund të aktivizohen:

Google Analytics 4, për statistika mbi përdorimin e faqes;
Microsoft Clarity, për heatmaps dhe regjistrime teknike të ndërveprimeve, me qëllim përmirësimin e përdorshmërisë;
Meta Pixel, për matjen e reklamave, krijimin e audiencave dhe remarketing;
teknologji të tjera jo të domosdoshme që mund të renditen në panelin e cookies përpara aktivizimit të tyre.

Fushat ku shkruhen fjalëkalime, të dhëna pagese ose të dhëna shëndetësore nuk duhet të përdoren për regjistrime analitike. Mjetet analitike dhe reklamuese nuk përdoren për të marrë vendime mjekësore.

Mund të pranosh, të refuzosh ose të ndryshosh zgjedhjet për cookies jo të domosdoshme nga paneli i cookies. Refuzimi i tyre nuk pengon blerjen ose përdorimin bazë të programit.

6. Me kë mund t’i ndajmë të dhënat

Të dhënat ndahen vetëm kur është e nevojshme dhe vetëm në masën e nevojshme me:

Cloudys (DCGRP OÜ), Estoni, si ofrues i hostimit dhe infrastrukturës së faqes;
Amazon Web Services – Amazon SES, rajoni Europe (Stockholm), Suedi, për dërgimin teknik të e-maileve;
Raiffeisen Bank sh.a., Shqipëri, për përpunimin dhe konfirmimin e transfertave bankare;
POK / RPAY sh.p.k., Shqipëri, për autorizimin, përpunimin, sigurinë dhe konfirmimin e pagesave online;
ofruesin e transmetimit të sigurt të videove dhe të rrjetit të shpërndarjes së përmbajtjes, kur përdoret;
Automattic/Jetpack, kur funksionet e sigurisë ose të lidhjes me WordPress.com janë aktive;
Cloudflare, kur përdoret Turnstile ose një shërbim sigurie për të dalluar përdoruesit realë nga bot-et;
Google, Meta dhe Microsoft, vetëm pas pëlqimit përkatës për statistika ose reklama;
kontabilistë, juristë, ofrues teknikë dhe bashkëpunëtorë të autorizuar që janë të detyruar të ruajnë konfidencialitetin;
autoritetet publike, gjykatat ose organet mbikëqyrëse, kur kjo kërkohet nga ligji.

MyHealthy nuk i shet të dhënat personale.

7. Transferimet ndërkombëtare

Disa ofrues teknikë mund të përpunojnë ose të bëjnë të aksesueshme të dhëna jashtë Shqipërisë ose jashtë Zonës Ekonomike Evropiane. Kur kërkohet nga ligji, përdorim masa të përshtatshme mbrojtëse, si vendime përshtatshmërie, klauzola standarde kontraktuale, marrëveshje për përpunimin e të dhënave dhe masa teknike e organizative sigurie.

Mund të kërkosh informacion shtesë mbi këto masa duke shkruar në info@myhealthy.al.

8. Sa kohë i ruajmë të dhënat

Të dhënat e llogarisë dhe të programit ruhen gjatë ofrimit të shërbimit dhe më pas vetëm për periudhën e nevojshme për mbështetje, siguri ose mbrojtjen e kërkesave ligjore.
Të dhënat e porosive, faturimit dhe pagesave ruhen për periudhat e kërkuara nga legjislacioni tatimor dhe kontabël.
Të dhënat e shtatzënisë, ditari dhe shënimet personale ruhen për sa kohë nevojiten për ofrimin e programit ose deri në tërheqjen e pëlqimit, përveç të dhënave që duhet të ruhen për të provuar dhënien e pëlqimit ose për një detyrim ligjor.
Të dhënat e marketingut ruhen deri në tërheqjen e pëlqimit ose çregjistrimin.
Cookies ruhen sipas afateve të paraqitura në panelin e cookies dhe cilësimeve të secilit mjet.
Kopjet rezervë ruhen jo më shumë se 6 muaj dhe më pas zëvendësohen ose fshihen sipas ciklit të backup-it.

Kur të dhënat nuk nevojiten më, ato fshihen ose anonimizohen në mënyrë të sigurt.

9. Si i mbrojmë të dhënat

Përdorim masa të përshtatshme teknike dhe organizative, duke përfshirë lidhjen HTTPS, kontrollin e aksesit, fjalëkalimet e koduara, kufizimin e tentativave të hyrjes, përditësimet e sigurisë, kopjet rezervë dhe kufizimin e aksesit vetëm te personat që kanë nevojë për të dhënat.

Asnjë sistem nuk është plotësisht i paprekshëm. Nëse ndodh një cenim i të dhënave personale, do të ndërmarrim masat dhe njoftimet e kërkuara nga ligji.

10. Vendimmarrja e automatizuar

Data e parashikuar e lindjes përdoret për të llogaritur javën ose tremujorin dhe për të shfaqur përmbajtjen përkatëse të programit. Ky personalizim nuk prodhon pasoja ligjore dhe nuk zëvendëson vlerësimin e një profesionisti shëndetësor. MyHealthy nuk merr vendime vetëm të automatizuara që prodhojnë pasoja ligjore ose të ngjashme të rëndësishme për përdoruesen.

11. Të drejtat e tua

Sipas legjislacionit të zbatueshëm, ke të drejtë:

të marrësh informacion dhe akses në të dhënat e tua;
të kërkosh korrigjimin e të dhënave të pasakta;
të kërkosh fshirjen e të dhënave, kur plotësohen kushtet ligjore;
të kërkosh kufizimin e përpunimit;
të kundërshtosh përpunimin e bazuar në interes të ligjshëm ose marketingun e drejtpërdrejtë;
të marrësh të dhënat në një format të strukturuar dhe të lexueshëm nga pajisjet, kur zbatohet e drejta e transferueshmërisë;
të tërheqësh pëlqimin në çdo kohë;
të paraqesësh ankesë pranë autoritetit mbikëqyrës.

Për të ushtruar një të drejtë, shkruaj në info@myhealthy.al. Për të mbrojtur llogarinë, mund të kërkojmë informacion të arsyeshëm për verifikimin e identitetit. Kërkesa trajtohet brenda afatit të parashikuar nga ligji.

12. Ankesa pranë Komisionerit

Nëse mendon se të dhënat e tua janë përpunuar në kundërshtim me ligjin, ke të drejtë të ankohesh pranë:

Komisionerit për të Drejtën e Informimit dhe Mbrojtjen e të Dhënave Personale
Rr. “Abdi Toptani”, Nd. 5, Kodi postar 1001, Tiranë
E-mail: info@idp.al
Faqja: https://idp.al/ankohu/

13. Lidhjet dhe shërbimet e palëve të treta

Faqja mund të përmbajë lidhje drejt faqeve ose shërbimeve të tjera. Përpunimi i kryer nga këto palë rregullohet nga politikat e tyre të privatësisë. Të rekomandojmë t’i lexosh ato përpara se t’u japësh të dhëna personale.

14. Ndryshimet e kësaj politike

Mund ta përditësojmë këtë politikë kur ndryshojnë shërbimet, ofruesit ose kërkesat ligjore. Versioni dhe data e fundit do të publikohen në krye të faqes. Kur ndryshimi është i rëndësishëm, do të japim një njoftim të përshtatshëm dhe, kur kërkohet, do të kërkojmë pëlqim të ri.

15. Kontakti

Për pyetje ose kërkesa mbi privatësinë:

Lucio Serreqi PF – MyHealthy
E-mail: info@myhealthy.al
Adresa: Lagjja “Vojo Kushi”, Rruga e Dibranëve, Zona Kadastrale 8592, nr. i pasurisë 1/1522, Shkodër 4001, Shqipëri